கண் மூடித் திறக்கையில்
கரைந்து போன உன் பிம்பம்
தூர இருக்கையில் தெரியும் உன்
அருகாமை ஸ்பரிசம்
உறைந்த உதடு தொட்டு
நீ தந்த ஆழ முத்தம்
விழைந்து நிற்கும் உன்
மாருக்கிடையில் புதைந்து
தொலைந்த என் மூச்சு
முகமென்றும் உடலென்றும்
பிரித்தறியா உன் இதழின்
வேர்ப்பக்கம்
கல்லெறிந்து உடைபட்ட
கண்ணாடியாய் என்னிதயம்
அடைந்து ஒடுங்கி உன் மார் தேடி
கொதித்து புகைந்து
ஓடித் தேடி
விழுந்து எழுகையில்
என்னைப் பிடிக்க இல்லை உன் கைகள்
எப்போது வருவாய் எனைத் தேடி
பிரிவது கொடியதெனினும்
நினைப் பிரிந்தது
உயிர்பிரிவை விடக் கொடிது
